Bases do III Concurso de relatos de terror Gustavo Adolfo Bécquer

Achégase o Samaín e convocámosvos de novo para participar no concurso de relatos de terror. Este ano conmemoraremos varios eventos importantes dende a Biblioteca, fundamentalemente, o  aniversario do noso Instituto e o cuarto centenario da morte de Cervantes e Shakespeare. Así que prestade atención as bases deste certame porque hai cambios respecto aos cursos anteriores.

1.      Están convocados a participar neste concurso, de carácter voluntario, todos os alumnos do IES Santa Irene (tanto de ESO como de Bacharelato). 2.       Os alumnos participarán en tres categorías: a.        Modalidade I: 1º e 2º Bacharelato. b.       Modalidade II: 3º e 4º ESO c.        Modalidade III: 1º e 2º ESO 3.       Os alumnos interesados en participar  deben escribir un relato que presente as seguintes características, do contrario quedará inmediatamente desclasificado: a.        Debe ser un relato orixinal de terror ou de misterio que estea ambientado ou inspirado no Santa Irene. b.       Debe ter un título. c.        Admitiranse relatos escritos a man e de forma mecanografiada. d.       O relato poderá estar escrito en galego ou en castelán. e.        A extensión máxima será de dúas carillas. f.        Para garantir a imparcialidade do xurado, gardarase o anonimato do escrito presentado a concurso. Para iso é indispensable que: -          O relato estea firmado cun pseudónimo, e se introduza nun sobre grande no que se escribirá a modalidade na que se participa (vid. punto 2 destas bases). -        Nun sobre pequeno, cerrado, introducirase o nome real do alumno. Este sobre pequeno meterase, a súa vez, dentro do sobre grande, xunto á narración coa que se participa no certame. g.       Quedarán inmediatamente descalificados aqueles escritos que presenten faltas de ortografía, os que por defectos de forma (caligrafía, marxes, interlineado…) sexan ilexibles  e os que non respondan aos requisitos anteriormente descritos (non conserven o anonimato, non respondan á temática requerida…). 4.       O sobre coa redacción e o nome real do participante será entregado na Biblioteca do instituto antes do día 23 de outubro. Non se recollerán aquelas narracións que se presenten con posterioridade a esta data. 5.       Os relatos gañadores recibirán os seguintes premios: os subcampeóns de cada modalidade recibirán un bono de consumicións para a cafetería do centro e os vencedores de cada modalidade, un vale de 15 euros para unha librería e un bono de consumicións para a cafetería do instituto. 6.       A entrega de premios terá lugar no segundo recreo do xoves 29 de outubro na Biblioteca do instituto.