A Cova Máxica

A biblioteca do IES Santa Irene celebra esta xornada coa proxección da película “Ágora” (2009), dirixida por Alejandro Amenábar e protagonizada por Rachel Weisz no papel de Hipatia . Cal é a relación do film co día que celebramos? A acción transcorre na Alexandría de finais do século IV-principios do século V, hai nada máis e nada menos que 1.600 anos!!! Alexandría , cidade de Exipto famosa pola súa biblioteca , a máis importante do mundo antigo, é o escenario da vida de Hipatia, que a pesar de ser muller destaca como filósofa e científica, posuidora de amplos coñecementos que difunde entre os seus alumnos.

Imaxe de Librerías Oletvm

O luns 16 de outubro comezou nas rúas de Vigo o VII Festival Kerouac. Este ano entre as actuacións do Festival destacan: Visita a institutos. O martes 17 de outubro estivo no noso centro o grupo Kerouac coa súa performance. Poesía nos escaparates. Desde o día 16, cinco establecementos da cidade expoñen nos seus escaparates poemas a tamaño xigante. Búscaos! Poemóbil. Un megáfono e un coche serven para encher de poesía as nosas rúas. O muro dos poetas. Na rúa Londres (detrás do MARCO), plasmaranse sobre cerámica os versos dos cidadáns anónimos que desexen colaborar co festival. O mural inaugúrase o venres 20 de outubro. TODOS PODEDES PARTICIPAR