A Cova Máxica

No Museo Liste, moi preto do noso instituto, estáse a presentar unha exposición temporalco nome de "Sororidade" ten intención de remarcar o papel e situación da muller. Unha das nosas alumnas; Gisell Andreina Ferreira expón unha obra súa " A muller pasado e presente". Podedes ver a ficha técnica na entrada do centro ou...mellor pasarvos polo museo a ver toda a exposición.

O venres, 8 de novembro, o alumnado de 1º ESO C asistimos a unha sesión de contacontos co gallo da celebración do Samaín. As encargadas de meternos o medo no corpo foron as alumnas da materia de Oratoria de 2º de ESO. A todos e a todas nos gustou moitísimo esta actividade, as rapazas fixérono moi ben, aínda que estaban moi nerviosas, e foi moi divertido. As mans do medo de Edgar Allan Poe e O gato negro de Xosé Miranda foron os contos que, en xeral, máis nos gustaron. Tamén temos que dicir que nos gustan moito este tipo de actividades porque nos presentan libros que hai na biblioteca do centro e anímannos a achegarnos a eles.

O pasado martes 29 de outubro entregáronse na biblioteca do noso centro os premios do VI concurso literario de relatos de misterio e terror "Gustavo Adolfo Bécquer". Este ano os gañadores foron: Na modalidade I Sara Román de 1º de bacharelato A Na modalidade II Alejandro Álvarez de 2º ESO A Tamén recibiron un agasallo como finalistas: Na modalidade I Lucía Barciela de 1º de bacharelato B Na modalidade II Andrea Durán de 2º ESO A Gracias a todos os participantes e lembrade en febreiro podedes intentalo de novo no concurso "Cyrano de Bergerac"