Eurípides

O poeta tráxico grego Eurípides naceu en Salamina no 480 a.C. e morreu en Pella - cidade grega hoxe desaparecida - no 406 a.C. Tivo como mestres nada máis e nada menos que a Anaxágoras, Pitágoras e Sócrates. As ensinanzas destes filósofos refléxanse na súa obra.

As súas traxedias reportáronlle pouca fama e recoñecemento en vida: soamente tivo catro triunfos nos festivais anuais que se celebraban en Atenas, e por iso ao final da súa vida decidiu trasladarse a Macedonia, onde, segundo conta a lenda, foi devorado por uns cans.

As obras de Eurípides representan un cambio na concepción da traxedia, acorde ás ideas sofistas. Así, o seu escepticismo frente ás crenzas míticas e relixiosas é manifesto nas súas obras, que rebaixan o ton heroico e espiritual que cultivaran Esquilo e Sófocles, e o substitúe por un tratamento máis próximo ao home e a realidade correntes.

O héroe retrátase coas súas fraquezas e debilidades, dominado por oscuros e secretos sentimentos que lle impiden enfrontar o seu destino, do que finalmente é liberado pola intervención dos deuses ao término da obra (recurso chamado deus ex machina, polos artiluxios escénicos que usaba para introducir ao deus). Outras innovacións son: a introdución dun prólogo, a asignación dun papel máis reducido ao coro, e a profundidade que adquire o tratamento psicolóxico dos personaxes.

Aínda que foi incomprendido na súa época, o certo é que se converteu nun poeta - dramaturgo a imitar polos latinos, e a súa influenza aprézase no Neoclasicismo e chega ata o Romanticismo alemán (Lessing, Schiller e Goethe).

Aquí vos deixamos os enlaces de descarga dalgunhas das súas obras máis coñecidas: