A Cova Máxica

Librería Lello Todo o alumnado de 4º ESO participou nunha saída cultural á cidade de Oporto, onde visitamos algúns dos seus lugares emblemáticos: o mercado do Bolhao, a catedral, a igrexa e Torre dos Clérigos, a estación de San Bento e a famosa librería Lello, o establecemento que inspirou algunhas das estancias do castelo de Howarts das películas de Harry Potter. Foi unha excursión onde recorremos a pé o casco antiguo da cidade. E, para rematar a excursión, paramos a ver o estadio de fútbol de Oporto. En xeral, aos vosos compañeiros encantoulles Oporto, e pasárono moi ben, como se pode ver nas imaxes que tedes a continuación. Xardíns do Palacio de Cristal, onde paramos a comer. Por último, agradecer a cooperación de Antía Alonso, Adrián Rodríguez e María González, os únicos que se lembraron de traer as súas fotos para poder subilas ao blog.

Lola Gándara Recentemente, o 15 de xuño, veu ao instituto Lola Gándara para falar aos alumnos e alumnas de 1º ESO sobre un dos seus libros máis exitosos: Guárdate de los idus, unha novela ambientada na antigua Roma, particularmente, na era na que Xulio César foi asasinado. É un libro moi entretido no que a autora da cabida a todo: ao amor, á aventura, á historia, ás anécdotas curiosas sobre a cultura do Imperio Romano (a honra do suicidio, os repudios,  a forma de vida dunha vestal...). Se aínda non o coñeces, anímate a facelo, posto que é un dos imprescindibles dentro da literatura xuvenil. A conferencia da autora foi moi amena, encantoulle ao alumnado, e Lola Gándara, ademais, tivo a deferencia de firmar os libros que lle entregaron os alumnos. Foi unha visita estupenda e queremos agradecerlle á autora a súa visita ao centro e a súa boa disposición.

Nesta entrada atoparedes as imaxes da exposición de Alicia no país das marabillas e da celebración que se fixo no centro o día 19 de xunio por parte dos alumnos e alumnas de 1º ESO. Esta comezou coa lectura de dous capítulos desta obra de Lewis Carroll e seguiu coa festa de non - cumpreanos, na que houbo comida, regalos de non cumpreanos... Sentimos dicir que non houbo tempo de fotografiar as galletas máxicas que empequenecen as persoas, pois estas foron engulidas rapidamente antes de que puidésemos facerlles as fotos pertinentes. Así que soamente teredes un grato recordo desas galletas... no voso buche.

Por mor das obras da Biblioteca, a celebración do día Internacional da Prensa tivémolo que retrasar ata o mes de abril. Fixemos unha exposición na Biblioteca de periódicos de todo o mundo: alemáns, franceses, italianos... e os rapaces e rapazas de 2º e 3º  ESO estiveron a traballar neles.

Como todos sabedes, durante este curso académico traballamos as Vinte mil leguas de viaxe submariña de Jules Verne. Os alumnos e alumnas de 2º ESO C fixeron esta reportaxe na que se recollen moitas das actividades relacionadas co Audiolibro desta célebre novela que se desenrolaron ao lango deste ano. Non vos perdades a entrevista que lle fixeron a Eduardo Rolland. Veinte Mil Leguas De Viaje Submarino 2º C Leer más publicaciones en Calaméo

Ao longo desta última semana de clase os rapaces de 1º da ESO celebrarán o 150 aniversario da publicación de Alicia no país das marabillas . Homenaxearemos ao seu autor, Lewis Carroll, e na exposición que se está a realizar poderedes saber algúns datos curiosos sobre este novelista e sobre como surxiu a historia de Alicia. Será o vernes 19 de xuño cando os alumnos de 1º ESO festexen este evento: empezarán coa lectura de dous capítulos do libro, seguirán coa celebración dunha estrambótica festa de non cumpreanos, e por último verán a última adaptación ao cine, que viño da man do director Tim Burton, deste célebre libro. Na publicación que se mostra a continuación poderedes ler con máis atención o traballo de investigación feito polos alumnos de 1º ESO A e que se exporá próximamente no instituto, e dous dos capítulos do libro ( Unha merenda de tolos e ¿Quién robó las tartas? ) ao final da revista. Aniversario Alicia En El País De Las Maravillas Leer más publicaciones en C

Corazón de mariposa é unha interesante lectura que vos propoñemos. A pesar de que a portada do libro promete unha empalagosa historia de amor, a novela non é iso. Trátase dun drama protagonizado por unha rapaza enferma de anorexia que conta como vive e intenta superar a súa enfermidade. Nesta loita coñece a Cristian, con quen si vive unha historia de amor, aínda que isto é secundario. O argumento do libro inspírase no propio drama que viviu a súa autora, Andrea Tomé, unha ferrolá que estudia na Universidade de Santiago de Compostela, e que intenta con este libro mostrar o auténtico horror que supón a anorexia, tal e como ela a experimentou (e aínda ás veces experimenta). Tal e como ela explica nos agradecementos: "He aprendido algo de los trastornos alimentarios: no hay una salida fácil. No llega un momento en el que comprendes. No crees mágicamente las palabras de los demás. En los últimos tres años he atravesado casi todos los caminos posibles para mí. He sufrido anore